आमच्याविषयी

ग्राहकांच्या गरजा आणि सभासदांचा विकास याच ध्येयाने संस्था अविरतपणे काम करत राहिली. अल्पावधीतच संस्थेचे कार्यक्षेत्र अहिल्यानगर जिल्ह्याच्या पलीकडे संपूर्ण महाराष्ट्रभर विस्तारले. दरवर्षी ठेवींचे नवे उच्चांक गाठत संस्था जिल्ह्यातील इतर पतसंस्थांसाठी एक आदर्श पतसंस्था म्हणून नावारूपास आली आणि अनेक राज्यस्तरीय पुरस्कारांनी गौरविली गेली.

सन २०१० मध्ये संस्थेचे मल्टिस्टेट पतसंस्थेत रूपांतर झाले; संस्थेचे कार्यक्षेत्र महाराष्ट्र व राजस्थान झाले आणि संस्था देशपातळीवर पोहोचली. आज संस्थेच्या शहरी व ग्रामीण भागात १७ शाखा असून त्यापैकी १२ शाखांच्या इमारती स्वमालकीच्या आहेत. सर्व व्यवहार ऑनलाईन पद्धतीने चालतात; संस्थेचे स्वतःचे डाटा सेंटर असून कोअर बँकिंग प्रणालीचा अवलंब केलेला आहे, त्यामुळे सर्वसामान्य सभासदाला जलद व तत्पर सेवा देणे सोपे झाले आहे.

उत्कृष्ट व्यवस्थापन व शिस्तबद्ध कारभारामुळे तालुक्यात आर्थिक शिस्त असणारी पतसंस्था अशी संस्थेची ओळख निर्माण झाली. नोटाबंदी तसेच कोरोना काळातही आर्थिक नियोजनामुळे संस्था भक्कमपणे उभी राहिली. सन २००० मध्ये उभी राहिलेली मुख्यालय इमारत, दरवर्षीच्या नफा वाटणीतून उभारलेल्या इमारत निधीतून अत्याधुनिक सेवा-सुविधांसह नूतनीकृत करण्यात आली असून आज ती तालुक्यातील भव्य कार्पोरेट वास्तू म्हणून उभी आहे. संस्थेला सतत ऑडिट वर्ग ‘अ’ मिळालेला असून संस्था दरवर्षी सभासदांना १२ टक्के लाभांश देत आहे.